2022 жылғы 14-25 наурыз аралығында -оқу ұйымдарында кәсіптік оқытуды ұйымдастыру үшін жұмыс берушілерден өтінімдер қабылдау

Жарияланған күні:
2022-14-03 сағат 17:14

Құрметті жұмыс берушілер!

«Нұр-Сұлтан қаласы әкімдігінің Халықты жұмыспен қамту орталығы» КММ 2021-2025 жылдарға арналған Ұлттық кәсіпкерлікті дамыту жөніндегі жобаны іске асыру шеңберінде ағымдағы жылғы 14-25 наурыз аралығында «Атамекен» ҰКП тізілімінде тұрған білім беру мекемелерінде кәсіптік оқытуды ұйымдастыру үшін жұмыс берушілерден өтінімдер қабылдайды.
Оқытудың мақсаты жұмыс берушілер үшін жұмыссыз азаматтар қатарынан қысқа мерзімді білікті кадрларды даярлау. Кәсіптік оқытудың мерзімі біліктілік пен дағдылардың ерекшеліктеріне қарай 6 айдан аспайды. Мемлекет оқу шығындарын өтейді. Оқу барысында жұмыссызға ай сайынғы стипендия мен медициналық тексеруден өтуге біржолғы материалдық көмек төленеді. Халықты жұмыспен қамту орталығы, жұмыссыз, білім беру мекемесі және жұмыс беруші арасында төртжақты әлеуметтік келісімшарт жасалады.

Қатысуға жіберілетін жұмыс берушілер салық және басқа да әлеуметтік аударымдарды тұрақты жүргізетін, жалақы бойынша мерзімі өткен берешегі жоқ және бір жылдан астам жұмыс істейтін болуы тиіс.

Жұмыс берушіден өтінім үлгісі czn.kz сайтындағы жаңалықтар бөліміндегі тиісті жарияланымда жүктелген. Сканерленген өтінімдерді а.ж. 14-25 наурыз аралығында prof.edu@czn.kz поштасына жіберуге болады немесе Бейбітшілік көшесі 25 («Өркен» БО) мекенжайы бойынша орналасқан «Нұр-Сұлтан қаласы әкімдігінің Халықты жұмыспен қамту орталығы» КММ-не қолма-қол тапсырсаңыз болады. Байланыс телефондары: 57-85-44, 57-89-12.

1-қосымша. Жұмыс берушілердең Өтінім үлгісі

 

Жарияланған күні: 2022-14-03 сағат 17:14
Сілтеме https://czn.kz/zh-mys-berushilerge-a-parat/