Нұр-Сұлтан қаласы әкімдігінің халықты жұмыспен қамту орталығы
Нұр-Сұлтан қаласы әкімдігінің халықты жұмыспен қамту орталығы
Әлеуметтік жұмыс орындары

Нұр-Сұлтан қаласы әкімдігінің Халықты жұмыспен қамту орталығы жұмыс іздеп жүрген жұмыссыздарды «Әлеуметтік жұмыс орындары» бағыты бойынша нәтижелі және жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» Мемлекеттік бағдарламасы аясында жұмысқа орналасуға шақырады.

Әлеуметтік жұмыс орын – жұмыс беруші жұмыссыздарды жұмысқа орналастыру үшін Халықты жұмыспен қамту орталығымен шарттық негізінде, олардың жалақысын субсидиялай отырып құратын жұмыс орны.

Әлеуметтік жұмыс орындарын салық және басқа әлеуметтік аударымдарды тұрақты жүргізіп отыратын және жалақы бойынша мерзімі өткен берешегі жоқ жұмыс берушілер ұйымдастырады.

Әлеуметтік жұмыс орындарына қатысу ұзақтығы 12 айдан аспайды. Әлеуметтік жұмыс орнына жолданған жұмыссыздарға Қазақстан Республикасының еңбек заңнамасы қолданылады.

Әлеуметтік жұмыс орнын жұмыс беруші жұмыссыздарды жұмысқа орналастыру үшін құрады, олардың арасында аз қамтылған және көп балалы отбасы мүшелері, мүгедек балаларды тәрбиелеп отырған тұлғалар, сондай-ақ «Халықты жұмыспен қамту туралы» ҚР Заңының 20-бабы 2-тармағының 1)-9) тармақшаларында көрсетілген тұлғалар басымдықты пайдаланады.

Әлеуметтік жұмыс орындарына жұмысқа орналасқан жұмыссыздардың жалақысына берілетін субсидиялардың ай сайынғы мөлшері салықтарды, міндетті әлеуметтік аударымдарды және экологиялық үстемеақылар бойынша төлемдерді есептемегенде, пайдаланылмаған еңбек демалысы үшін өтемақыны ескере отырып, жалақының белгіленген мөлшерінің 35% – ын құрайды, бірақ тиісті қаржы жылына арналған «Республикалық бюджет туралы» ҚР Заңында айқындалған ең төменгі жалақы мөлшерінен аспайды.

Әлеуметтік жұмыс орындарындағы жұмыс уақытша сипатта болады.

Әлеуметтік жұмыс орындарына қатысу үшін жұмыссыздар халықты жұмыспен қамту орталықтарына нысан бойынша өтініш және келесі құжаттарды қоса ұсынулары қажет: жеке басын куәландыратын құжаттың көшірмесін; еңбек кітапшасының көшірмесін (бар болған жағдайда); техникалық және кәсіптік, орта білімнен кейінгі, жоғары және жоғары оқу орнынан кейінгі білімінің болуын растайтын құжаттың көшірмесін (бар болған жағдайда).

Әлеуметтік жұмыс орындарына қатысу мәселелері бойынша +7 717 272-93-56, 8-705-329-77-19 телефон  нөмірлері арқылы хабарласыңыздар.

Қатысушылар үшін Өтініш

Электрондық пошта: proftest.cz@mail.ru.

Жарияланған күні: 2020-2-09 сағат 13:53
Сілтеме https://czn.kz/socialnye-rabochie-mesta/
Хабарламаға жазылыңыз
Қаріп түрі:
Әріп аралығы:
Қаріп өлшемі:
Сайттың түсі:
Суреттер: