Бүгін, ағымдағы жылдың 30 желтоқсанында Нұр-Сұлтан қаласының жұмыспен қамту және әлеуметтік бағдарламалар Басқармасы халықты жұмыспен қамту орталығының қызметкерлері арасында ақпараттық-түсіндіру жұмыстарын жүргізді. Кездесуде қызметкерлерді «Мемлекеттік атаулы әлеуметтік көмек туралы» жаңа заңмен таныстырып өтті. Сондай-ақ, 2020 жылдың 1 қаңтарынан бастап көпбалалы отбасыларға берілетін жәрдемақылар мен АӘК жаңа тәсілдері туралы түсіндірілді.
Кездесуге Нұр- Сұлтан қаласының аудандары әкімдері аппараттарының қызыметкерлері мен Нұр-Сұлтан қаласы әкімдігінің учаскелік комиссиясының мүшелері қатысты. Іс-шара барысында енгізілген жаңалықтарға қатысты бірқатар сұрақтар қойылып, оларға толық жауаптар берілді.
2020 жылғы 1 қаңтардан бастап АӘК көрсету тәсілдері өзгереді, сондай-ақ көп балалы отбасыларға және аз қамтылған азаматтарға мемлекеттік жәрдемақы және АӘК, КӘК көрсетіледі. Жаңа тәсілдер АӘК-ті неғұрлым ашық, әділ және еңбекке ынталандырушы етуге мүмкіндік береді.
Өткізілген кеңес қорытындысы бойынша Мемлекеттік қызмет көрсетуді оңтайландыру бойынша бірқатар тапсырмалар берілді.
