Жұмыс берушілердің сұрауы бойынша кәсіптік оқыту

Жарияланған күні:
2022-14-04 сағат 21:34

Нұр-Сұлтан қаласы әкімдігінің жанындағы Халықты жұмыспен қамту мәселелері жөніндегі ведомствоаралық комиссия жұмыс берушілердің тізбесін бекітті, олардың өтінімдерінің негізінде білім беру мекемелерінде жұмыссыз азаматтар үшін кәсіптік оқыту ұйымдастырылатын болады.

Жұмыс берушілерден қарауға 33 өтінім берілді, оның ішінде 28 өтінім 300 жұмыс орнына бекітілді.

Бекітілген тізбе 25 біліктілік атауынан тұрады: арматуршы, бетоншы, сырлаушы, әрлеу құрылыс жұмыстарының шебері, кран машинисі, автомобиль тиегішінің машинисі, жабдықты жөндеу және оған қызмет көрсету жөніндегі слесарь және т.б.

Нұр-Сұлтан қаласы әкімдігінің Халықты жұмыспен қамту орталығында үміткерлерді қабылдау 25 сәуірде басталады, мекен-жайы: Бейбітшілік көш, 9 үй (бұрынғы ОӘМ). Үміткерлер жұмыссыз ретінде тіркелуі керек. Тіркеусіз қабылдау жүргізілмейді. Осыған байланысты, үміткерлер enbek.kz, egov.kz порталдары арқылы немесе Халықты жұмыспен қамту орталығында жұмыссыз тұлға ретінде алдын ала тіркелуі тиіс.

Қажетті құжаттар тізімі:

1) жеке басын куәландыратын құжат;

2) Қазақстан Республикасы Еңбек кодексінің 35-бабына сәйкес еңбек қызметін растайтын құжаттар қоса беріледі. Болмаған жағдайда, соңғы 2 жылдағы зейнетақы қорынан үзінді көшірме ұсынылады (egov.kz арқылы алуға болады);

3) білімі туралы құжаттар (аттестат, куәлік, диплом), бар болса, оқудан өткенін растайтын құжаттар (куәлік, сертификат);

4) ҚР Денсаулық сақтау министрлігі бекіткен нысанға сәйкес Денсаулық жағдайы туралы анықтаманың көшірмесі;

5) Екінші деңгейдегі банкте ашылған ағымдағы (карточкалық) шоттың нөмірі.

Білім беру мекемесіне қабылданғаннан кейін денсаулық жағдайы туралы анықтаманың көшірмесі және ағымдағы (карточкалық) шоттың нөмірі ұсынылады.

Оқуға жұмыс берушінің іріктеуінен өткен жұмыссыз азаматтар жіберіледі.

Жұмыссыздармен 4 жақты Әлеуметтік келісімшарт жасалады, оның негізінде жұмыс беруші жұмыссызды мәлімделген жұмыс орнына кемінде 12 ай мерзімге жұмысқа орналастырады.

Жұмыс берушілер мен біліктіліктердің толық тізімі czn.kz сайтында Білім беру мекемелеріндегі кәсіптік оқыту бөлімінде орналастырылған. Біліктілікті алдын ала таңдауды өтінеміз.

Жарияланған күні: 2022-14-04 сағат 21:34
Сілтеме https://czn.kz/zh-mys-berushilerdi-s-rauy-bojynsha-k-siptik-o-ytu/